眨下眼BB已經三個月大喇!第一次做人爸爸媽媽,餵奶、換片、同BB沖涼都一腳踢,已經覺得完成左不可能嘅任務,但重點係應承咗老婆要負責搞百日宴,一諗起就已經好頭痛,老父又對食有要求,一心以為要洗一大筆,最後都算經濟、開心咁搞好左件事。

1. 場地size要大,有新淨個感覺就更好,唔係影D相會唔靚
自問我打機砌模型好無敵,但講到搞百日宴,做資料搜集就肯定唔係我嘅強項。綜合我幾位喺觀塘返工既朋友意見,好短時間上去睇左幾間酒樓同食評,最後決定去一間開張唔夠一年嘅酒樓。食物質素固然重要,但要應付兩邊龐大嘅親戚團隊又要影相靚仔。新淨、大、就腳至係實實在在要考慮嘅因素!

2. 交通要好方便,近地鐵先係皇道
雖然初為人父真係好開心,但唔好忘記,我真係好怕麻烦,去邊食飯、睇戲等等,最好唔使我諗,更何況搞百日宴呢!但又出乎意料地,依間酒樓嘅安排令到我好有驚喜,另外幾個準媽媽食完後都覺得可以接受,都話會返依間野搞百日宴。既然依次經驗唔差,咁我就分享下比所有新手爸爸啦。

3. 菜單價錢及選擇要夠多,同埋相關配送小項目要合用
要讚少少既係員工手腳都算快,我望到D親戚、客人嘅要求都好快有人理。食物方面,酒樓提供唔同嘅菜單畀我揀。揀菜單真係一門好高深嘅學問!其實當晚,經理已經幫我諗好曬菜單,要夠體面而又唔貴既真係要同經理好好溝通。紅雞蛋同薑醋等嘅意頭嘢全部做足,唔使令我操心,老人家都好滿意。

D鮑魚都見得下人,其他菜式賣相都唔差既


4. 佈置可以貴過餐飯,要自已做真係好費時失事
平日佈置應該係交比太太處理既,但我見跟我張單個位經理話我擺依幾圍,加幾舊就有一堆氣球佈置,酒樓幫我諗埋。


我冇預計最後會有好多野睇架,出到黎又不過不失喎。
我見老婆望完D氣球裝飾都冇咩意見,個人就即時鬆哂,算冇信錯個經理啦!XD

5. 就算只係幾圍都要有專人跟進
依家睇返當晚啲相,大家都好盡興。雖然BB 幾乎每張相都係合埋眼,但係無損佢精靈嘅外貌。諗返轉頭,搞依次百日宴其實都唔係好難,最緊要大家有一個開心嘅晚上。

我keep住左經理既聯絡,佢話做節搵佢有著數…可以encore既!

<如果我依個post有人睇….我會keep住分享一下新手爸爸既經驗 – - -多謝收看!!!>

原文取自 http://kayingkan.blogspot.hk/2017/08/blog-post.html